Пандемијата на вирусот COVID19 ги прекина синџирите за снабдување со храна во Европа, но во следните неколку месеци се очекува бавно заздравување во таа индустрија, беше кажано вчера на регионалот семинар „Прехранбено-преработувачки сектор – можна стратегија за централна и источна Европа“.
Сепак, регионот на централна и источна Европа, економски е помалку зафатен од последиците на кризата предизвикана со COVID 19 од другите региони во Европа, беше речено на семинарот. Дискусиите ги организираа француските земјоделски комори во соработка со Унгарија, Полска,Романија, Србија, Чешка, Словачка и Хрватска, а претставници на прехранбено – преработувачкиот сектор укажаа дека тој сектор е многу значаен за прашањето за сигурноста на храната за Европа кога станува збор за достапност на производите.
Исто така беше истакнато дека тоа е основа за економската стабилност и одржливиот развој во Европа.
Јакуб Олипра од Одделението за макроекономска анализа во Полска, наведе дека поради корона вирусот дошло до прекин на синџирот за снабдување со храна во Европа, како и дека е забележан широк пад на производството на храна, кој беше проследен со зголемување на залихите. Ударите предизвикани од пандемијат врз индустријата за храна, како што вели тој, во секоја европска земја зависеле од рестрикциите кои ги вовеле нивните влади, потоа од изложеноста на извозот и структурата на потрошувачката на храна.
– „Наредните месеци ќе дојде до постепено заздравување во индустријата за храна во Европа во склад со попуштањето на рестриктивните мерки и зголемувањето на економските активности, како и повторно воспоставување на синџирите за снабдување со храна“, навел Олипра.
Тој уште укажува дека проблемите со корона вирусот би можеле да предизвикаат протекционзиам, како и дека голем број компании во тој сектор ќе ги променат своите стратегии за да обезбедат сигурна продажбата на своите залихи.
Шефот за имплементација на регионалните иницијативи во земјоделската трговија во ООН за храна и земјоделство (FAO) Мери Кени, изјави дека таа организација е многу активна во овој регион по прашање на актуелната ситуација и да им помага на државите во агросекторот. Таа изјави дека минатата година акцентот бил на структурните реформи на политиката, но и дека и понатаму јавната потрошувачка во агросеторот е релативно мала, ако се спореди со неговото значење за економијата.
Шефот на меѓународната канцеларија за средна и источна Европа, Доминик Сигрос изјавил дека во регионот особено се заинтересирани за Романија, Србија и Полска. Истакнал дека е очигледно дека регионот на централна и источна Европа е помалку погоден од другите региони кои се посериозно економски потресени.
Извор: Agronews
