Гладиолата е една од омилените цветни видови меѓу љубителите на цвеќе поради своите преубави и префинети цветови во сите бои и нијанси. Цветањето трае помеѓу 10-14 дена.
Денес гладиолата опфаќа над 2.000 сорти. Освен како градинарско цвеќе, се користи и како режано цвеќе. Основните карактеристики на ова растение се секако исправеното стебло, сабјастите листови и цветови со шест латици, кои сите „гледаат“ во иста насока.
Луковиците на гладиолата се садат на сончево место, заштитено од ветерот, во богата и ровка земја, која не ја задржува влагата и добро е дренирана. Мора да се внимава луковиците да не се посадат премногу плитко за да не нарастат во висина, зашто би биле нестабилни на ветерот. Најдобро е да се посадат на 12-15 см длабочина, а меѓу кртолите да се остави растојание од околу 20 сантиметри. Кога се садат доволно близу една до друга, меѓусебно се потпираат и не им е потреба потпора. Потребно е редовно да се наводнуваат и за време на цветањето, двапати месечно, да се додава малку течно минерално ѓубриво. Зависно од сортата, гладиолата ќе порасне од 30 см до 150 см висина.
Иако гладиолата прво припаѓа во групата есенски луковици т.е луковици кои се садат во есен, а цветаат во пролет и лето, нејзините префинети цветови стануваат сѐ побарани и сѐ попопуларни и во текот на доцната есен за дизајнирање на цветни аранжмани.
Ако сакате гладиолите да ви процветаат во овој период од годината, луковиците треба да ги посадите на почетокот на август.
