Пазарите на отворено во Италија започнаа со работа после два месеци пауза и оваа категорија на трговци претрпи огромни економски штети. Со отворање на пазарите воведена е нова професија – ковид менаџер.
За сега продажбата се ограничува само на производи од растително потекло, бидејќи фазата два во Италија подразбира постепено експериментално отворање.
Тезгите мораат да бидат оддалечени и по два и пол метри, на пазарите имаат пристап лицата на кои прво им се мери температура и мораат да имаат маски и ракавици, а доколку немаат, добиваат на лице место.
Од вкупно 94 пазари кои функционирале во Милано, сега се отворени само 26. Со отворањето на пазарите воведена е нова професија – ковид менаџер.
Неговата задача во претходните денови била планирање и организација на активностите. Од сега тој ќе биде присутен на лице место каде ќе го контролира почитувањето на сите прописи и мерки на безбедност.
Фазата два во Италија предвиде и воведување на ковид менаџери кои на пазарите треба да одредат колку лица смеат да бидат присутни на тоа место ( број на продавачи, број на тезги), се мери растојание, се распоредуваат тезгите, се утврдуваат влез и излез.
Што значи, ковид менаџерот е координатор кој надгледува на италијанските пазари се да се одвива како што е предвидено со прописите.
Тој е и лице на кое му се обраќаат трговците ако доаѓа до било каков проблем, некои критични ситуации, а тука е и за секоја забелешка или прашање.
