И во текот на следните неколку денови, нашата територија ќе се наоѓа под влијание на претежно стабилна, сува и многу топла воздушна маса која продира од југ. Времето ќе биде сончево и многу топло со умерена локална облачност. Повремено ќе има нешто повеќе облачност, особено за време на викендот кога особено во недела попладне ќе има услови за ретка појава на краткотраен локален дожд и грмежи.
Денес и утре ќе дува умерен, повремено засилен ветер, денес од јужен и од југозападен а утре од југозападен и од северозападен правец.
Максималните дневни температури ќе се искачуваат во интервалот од 28 до 35 степени, во најтоплите предели од државава истите има услови да се искачат дури до околу 37 степени.
УВ ИНДЕКСОТ и понатаму ќе има многу висока, до екстремна вредност и ќе изнесува од 8 до 10. Исто така, поради транспорт на прашина и на песок од Сахара кон нашата држава и атмосферата понатаму ќе биде заматена и исполнета со пустинска прашина и песок.
Временската прогноза ја подготви Славчо Попоски
