Кравите на фарма во Данска имаа можност да уживаат во концерт на класична музика.
Облечени свечено како да настапуваат во концертна сала, членовите на ансамблот предводен од британскиот виолончелист Џејкоб Шо од недела во недела, среде пандемија, настапуваат пред публиката, пренесува порталот „Classic FM“.
Нивната сцена е покриена со слама, сценографијата се состои од бали сено, а просторијата во која музицираат е штала со крави.
„Класичната музика е многу добра за луѓето. Ни помага да се опуштиме, а кравите знаат дали сме опуштени или не. Има смисла да се помисли дека таквата музика може да направи кравите да се чувствуваат добро“, објасни одгледувачот на крави Моргенс Хаугард во изјава за Њујорк Тајмс.
На редовните концерти пред несекојдневната публика излегуваат Џејкоб Шо и неговите колеги од скандинавската школа за виолинчела во Данска.
Кога Шо открил дека има фарма во близина на училиштето во кое се одгледуваат крави, видел можност да одржи концерти. Набрзо по средбата со Могенс и Луис Хаугард, тој се согласил со соседите за сè.
Од ноември 2020 година, кравите уживаат во серенадите преку звучник од кој доаѓаат звуците на ремек-дела на Моцарт и други класични мелодии.
Еднаш неделно, Шо и учениците од училиштето доаѓаат да настапат во живо пред публиката.
Концертите на фармата започнаа како дел од планот за популаризација на музичкото училиште и неговите млади ѕвезди. Брзо се покажа дека и училиштето и учениците се многу популарни кај публиката, без разлика дали е тоа на две или на четири нозе.
На почетокот, четвороножната публика гласно ги поздрави изведувачите и го награди изборот на репертоарот. Меѓутоа, како што одминуваше времето и како што се нижеа концертите, кравите почнале да развиваат прилично „остар вкус“.
Еден виолончелист за екипата на „Њујорк тајмс“ рекол: „Дали видовте како сите заминаа во ист момент? Не им се допаѓа Дворжак“.
https://www.facebook.com/photo?fbid=10158192791528775&set=pcb.10158192791718775
