Американските научници откриле дека за добро делување на хербицидите пред никнување е потребно пет до 15 см дожд во рок од 15 дена од употребата.
Студијата која ја спровел Универзитетот во Илиноис во соработка со американската Служба за истражување во земјоделството (ARS) покажува дека хербицидите, кои таму се користат, пред никнување на посевите стануваат сè помалку делотворни поради нестабилноста на временските услови, пишува ScienceDaily.
„Врнежите се променливи, сеидбата е често пролонгирана поради преголемата влага, а во тие случаи примената на такви средства има слично влијание како кај сушата“, објаснува Марти Вилиамс, автор на студијата, еколог и професор на Одделот на растителна наука.
Користејќи податоци од последните 25 години и 252 временски услови, Вилиамс и неговиот тим откриле дека за добро делување на повеќето хемиски споеви пред никнување е потребно 5 до 15 см дожд во рок од 15 дена од примената. Ако не падне оваа количина, според нивните сознанија, стапките на уништување на плевелот нагло би опаднале. „Од претходно знаеме дека малку дожд после примената е пресуден за хербицидите да се внесат во почвата, но не сме знаеле за која количина точно станува збор“, напоменува тој.
Испитување на четири активни состојки на три вида плевели
Кристофер Ландау, соучесник во проектот, извршил проценка на дејството на четири вообичаени активни состојки кои се користат во средствата за уништување на плевелот во Америка – атразин, ацетоклор, S-метолаклор и емзотрион.
Освен нивното самостојно дејство, ги проучувал и комбинациите добиени со нивно мешање и тоа на три вида плевели.
Неговите анализи јасно укажале на потребата од дожд после примената. Меѓутоа, за секоја активна состојка не била потребна иста количина дожд за да се забележи делотворноста. Така, на пример на S-металоклор му биле потребни 10 до 15 см дожд за да го уништи водениот коноп, додека на ацетоклорот му биле потребни само 5 см за сузбивање на истиот тој плевел.
Понатаму, резултатите покажале дка комбинацијата на повеќе делотворни состојки ја намалуваат потребната количина дожд за успешна контрола на плевелите. На пример, кога атразинот е додаден на S-металоклор, на смесата и биле потребни само 5 см дожд за да се постигне исто ниво на контрола.
„Постојаниот развој на отпорност на активни состојки кај видовите како што се Amaranthus tuberculatus бара интегрирани мерки на сузбивање, а комбинациите на хербициди можат да бидат една компонента на таквите состави“, тврди Арон Хагер, коавтор на студијата и стручњак за растителни науки во Илиноис.
Кога научниците го разгледале влијанието на температурата на почвата на дејството на овие средства за заштита на растенијата, не дошле до многу заклучоци освен дека таа е важна кога нема дождови. Кога паднала количина дожд од 10 см или повеќе во рок од 15 дена, веројатноста за успешно отстранување на плевелот со повеќето третмани била максимизирана при секоја температура на почвата.
„Меѓутоа кога количините на вода биле под 10 см, повисоките температури на почвата ја зголемувале или намалувале веројатноста за успешно сузбивање на плевелот, зависно од комбинацијата на хербицидите“, вели Вилијамс.
Заклучок, американските научници препорачуваат тие да се користат во комбинација и апелираат до земјоделците при одлуката за нивна примена да водат сметка за временската прогноза и да следат кога и колку ќе падне дожд.
Напишете коментар