Кина годинава ќе посее помалку од еден процент од површините со генетски модифицирани сорти пченка, ексклузивно објави Ројтерс, цитирајќи два извора запознаени со плановите. За оваа намена Министерството за земјоделство издвоило 267.000 ха.
Неколку сорти на ГМО пченка ќе се сеат во провинциите Монголија, Џилин, Хебеј и Јунан.
Кина со децении ги проучувала ГМО прехранбените култури, но досега не го одобруваше нивното сеење поради противењето на технологијата, иако дозволуваше увоз на ГМО соја и пченка за добиточна храна и одгледување ГМО памук. Планот за сеидба се уште не е претставен во јавноста, поради што изворите говорат за него под услов да останат анонимни.
Според официјалните податоци, лани во Кина имало 43 милиони хектари под пченка, а приносот бил 277 милиони тони. И покрај спорувањето на технологијата, побарувачка постои. Нелегално посеаната ГМО пченка сочинувала околу 70 отсто од кинеската житница на североисток.
На странските компании не им е дозволено да ги продаваат овие семиња, дозволено им е само на домашните. Вредностите на акциите на компаниите за семиња паднаа откако забелешките во документот за рурална политика од 2023 година објавен од кинеската влада беа земени како знак за поконтролирано ослободување на ГМО технологијата.
Претседателот Си Џинпинг ја поддржува употребата на оваа технологија, за која вели дека е „клучна за зајакнување на безбедноста на храната“. Настаните на глобално ниво, како трговските тензии, нестабилното време и воените конфликти, ја зголемија загриженоста. Потребно е да се обезбеди храна за 1,4 милијарди жители.
Од 2019 година, одобрени се 14 генетски промени на пченката. Имплементирани се нови прописи за поддршка на оваа технологија, што сигнализира промена. Најавено е дека и покрај забрзувањето на комерцијализацијата на ГМО пченката и сојата, пробната површина ќе биде соодветно проширена и ќе се регулира управувањето со сеидбата.
