Квалитетот на почвата, количината на сонце, кастрењето, ѓубрењето, наводнувањето и дезинфекцијата на алатките за кастрење може да го продолжат или скратат животниот век на овошките во нашите овоштарници.
Колку долго живеат и колку долго раѓаат поединечни овошки?
Во продолжение краток преглед на времетраењето на одредени овошни видови, се разбира доколку добро се грижите за нив.
Јаболко 10-100 години. Бактерискиот палеж најчесто ѝ го скратува животниот век. За да го избегнете, секогаш дезинфицирајте ја алатката при режењето.
Кајсија 10-30 години. Тешко е да ја одржувате во живот долго време бидејќи е многу подложна на габични заболувања. Почвата секогаш мора да биде добро дренирана и алатот да се дезинфицира.
Каки јаболко 30-50 години. Чувствителна е на рамнотежата на хранливите материи во почвата и вишокот на азотни ѓубрива. Во почвите со висока pH вредност, јаболкото каки останува без доволно железо, што резултира со хлороза.
Цреша 10-25 години. Слично на кајсијата, таа е многу подложна на габични заболувања, особено ако е засадена на слабо дренирана почва.
Цитруси 40-80 години. Идеално би било за нив температурата постојано да биде помеѓу 15 и 30°C, бидејќи не го сакаат студот. Во студената сезона, тие треба да се завиткаат во агрофолија или да се внесат во затворен простор.
Смоква 30-50 години. Ќе живее подолго ако нејзиниот корен има шанса да се исуши пред следното наводнување или дожд, па затоа треба да се внимава на дренажата.
Киви 50-70 години. Сака сончево место заштитено од ветер и не поднесува студени зими и висока влажност.
Винова лоза 50-100 години. Слично на смоквите, тие најдобро ќе се развиваат на високо дренирана почва.
Нектарина 10-25 години. Чувствителна е на габични патогени ако е засадена на слабо дренирано место.
Маслинка 100+ години. Сака растресита почва со добра дренажа.
Праска 10-25 години. Праската ги има истите барања како кајсијата, нектарината и црешата.
Круша 10-100 години. Најмногу е подложна на бактериска палеж, затоа треба да се внимава да се дезинфицира алатот.
Слива 10-25 години. Сака добро дренирана почва и е подложна на габични заболувања.
Дуња 10-100 години. Најподложна е на бактериски палеж.
Малина 5-10 години. Потребно е редовно кастрење за да не се задуши грмушката и да не се спречи протокот на воздух.
Јагоди 3-4 години. Циркулацијата на воздухот е важна, затоа отстранете ги старите лисја и изданоци.
Капини 5-10 години. Доколку не се крои редовно секоја година, ќе се намали циркулацијата на воздухот низ грмушката и ќе се појават габични заболувања и ќе им се скрати животниот век.
Боровинка 30-50 години. Претпочита кисела почва со многу органски материи, ладна и со многу влага. Идеално би било да се измешаат еднакви количини тресет и компост и да се одржи што е можно подебел слој мулч околу грмушката.
Рибизли 10-20 години. Им пречи топлата и сува клима, па најдобро е да ги засадиме во сенка.
Извор: agrosavjet.com
