Кои средства се дозволени за вршење на стопански и рекреативен риболов

Рибарите добро знаат со што и како можат да ловат риба во водите но многу често знаат и да ги прекршат овие правила, затоа не ретко се сретнуваат и со казни од надлежните лица кои вршат контрола над нив.

Дозволен риболовен алат кој се употребува за вршење стопански риболов во зависност од видот на рибата и риболовната вода е:

Стоечка мрежа

– за лов на пастрмка – со најголема должина од 50 метри најголема висина од 5 метри и димензија на окца од најмалку 50 милиметри

– за лов на белвица – со најголема должина од 40 метри, најголема висина од 5 метри и димензија на окца од најмалку 35 милиметри

– за лов на крап – со најголема должина од 50 метри, најголема висина од 5 метри и димензија на окца од најмалку 45 милиметри

– за лов на останатите видови риби со најголема должина од 30 метри, најголема висина од 3 метри и димензија на окца од најмалку 20 милиметри

Повлечна мрежа – за сите видови риба со најголема должина од 500 метри, најголема висина од 5 метри и димензија на окца од најмалку 10 милиметри

Струк – за риболов на сом,крап и јагула со најмногу 50 јадици.

Блинкер за влечење на пастрмка и белвица.

Должината и висината на мрежата се мери во однос на конецот на кој се поставени пливките и оловата и конецот кој ги поврзува.Димензијата на окцата се мери од јазол до јазол на мрежа во влажна состојба.

Дозволен риболовен прибор кој се употребува за вршење рекреативен риболов е:

За пастрмка во риболовен ревир – една риболовна трска и еден блинкер кој може да има една јадица (трокрака, двокрака или еднокрака) , еден воблер кој може да има две јадици (трокраки, двокраки и еднокраки) или три мушички кои можат да имаат еднокраки јадици и

За сите останати видови риби најмногу две риболовни трски со по три јадици на трска или три риболовни трски со по една јадица на трска со или без машинка и природни или вештачки мамци.

За лов на пастрмка и белвица на риболовните подрачја и рекреативни зони може да се употребува и блинкер на влечење со најмногу еден стап на пловен објект врзани најмногу седум блинкери. При вршење рекреативен риболов како дополнителна опрема мже да се употребува и мрежа за фаќање на риба и чуварка за рибите.