Досега во светот не е забележан толкав број фарми за свињи кои бројат повеќе од 100.000 грла како што тоа е случај во 2020 година. Според годишното истражување на глобалната компанија за одгледување на овој вид Genesus, во последнава година забележани се 40 големи компании со фарми од најмалку 100.000 свињи.
Во споредба со претходната година, и покрај пандемијата на ковид-19, на листата се додадени и шест фарми со толку голем број животни. Дури 40 корпорации чувале вкупно 16,5 милиони свињи. Додека во 2019 постоеле 34 со вкупна бројка од 11,6 милиони свињи.
Од Кина дури 15 компании
Кинеската корпорација „Muyuan Foodstuff“ е на чело на листата на најголеми светски одгледувачи на свињи – 2,62 милиони минатата година. Тоа значи дека бројот се зголемил повеќе од двојно во рок од една година, кога биле 1,28 милиони.
Второ место зазема уште една компанија од Кина. Станува збор за „Wens grupacijа“ (WH) која минатата година имала 1,80 милиони свињи. Тоа е двојно повеќе во однос на 2019 година.
Следува американската компанија „Smithfield“ со 1,23 милиони. Во однос на 2019 година тоа е околу 15.000 животни помалку. Но, и оваа фирма е дел од кинеската WH група.
Од 40 компании во светот – дури 15 се од Кина. Со опаѓањето на заразата од африканската свинска чума, десет компании кои се најдоа на пописот на Genesus веќе во 2019 година ги зголемија своите залихи. Бројот на живтони во тие компании бил 89 отсто поголем отколку претходната година. Тоа значи дека во големите турнуси во оваа земја живееле 9,37 милиони свињи.
Најдобра од ЕУ – Франција
Од Европската Унија најдобро пласирана е француската групација „Cooperl“. Се наоѓа на 15-то место. Како и претходната година имала 245.000 грла. На 19. место е шпанската компанија „Vall Company“ со 213.000 расплодни свињи, додека на 30. место е уште еден производител од оваа земја. Станува збор за групацијата „Costa Food“, која одгледува 150.000 свињи.
На списокот се најдоа и две бразилски компании. „BRF S.A.“ со 388.500 свињи, како и „Seara Foods“ со 213.000. Компанијата „Charoen Pokphand Food“ од Тајланд го зазема високото шесто место со 1,18 милиони живони, а друга фирма од оваа земја, „Betagro“ е на 34. место со 130.000 грла. Меѓу нив е и рускиот „Miratorg“ со 180.000 и „Rusagro“ со 125.000.
Извор: agroklub.rs
