Општо познато е дека овоштарите во најголем број случаи есенското прскање го извршуваат кога ќе опадне 80% од лисната маса на овошките. Се смета дека во таа фаза со едно прскање се покриваат најголем број на рани, повреди пред целосно опаѓање на лисјата.
Ова може да биде економична и добра стратегија кога до опаѓање на лисната маса доаѓа за многу кратко време. Кога лисјата се задржуваат на гранките и не опаѓаат додека не дојде период на студено време со првата слана. Меѓутоа критични се годините кога периодот на опаѓање на лисната маса многу се одолговлекува, проследен со топла есен и големи количини на дождови. Ваквите услови , кај чувствителните видови (круша, дуња) претставуваат сериозен проблем и бараат промена на стратегијата.
За чувствителните овошни видови, особно на присуство на бактерија, периодот од првото опаѓање на лисјата до 80% е предолг период без заштита. Првото оштетување со настанато со опаѓање на листот претставува влезно место за патогена бактерија. Во оовој случај поголем ефект сигурно се постигнува со прскање на самиот старт на опаѓање на лисјата, со цел намалување и елиминирање на присуство на патогени на самиот лист, гранки, стеблото при појава на првите ранички, повреди и друго прскање во фаза 80% од паднатите лисја.
Со што треба да се направи есенското сино прскање на овоштарникот?
Бакарните препарати се синоним за есенско прскање на овошје. Самото име на ово прскање – есенско сино прскање зборува за која група препарати се работи. Уште од крајот на 19 век се знае за фунгицидно и бактерицидно делување на бакарот. Освен тоа бакарот влијае и на зацврстување на младите гранки, изданоци и го прави растенето подготвено за влез во зимскиот период. Бакарот се користи и во органското производство. Токму бакарните јони се оние кои најефикасно вршат дезинфекција на презимувачките форми на вируси, бактерии кои се наоѓаат во кората и „чекаат“ погодно место за влез во растението (да се потсетиме на големиот број ранички, повреди кои остануваат после опаѓање на лисјата).
Голем е бројот на бакарни препарати кои постојат на пазарот и за време на изборот на препарати треба да се води сметка за формулацијата. Самата формулација битно влијае на растворање, остатоци за време на растворањето, големината на честичките а со самото тоа и прифатеноста и квалитетот на покривање на целната површина. Другиот критериум за избор на препарати е секако во кој облик бакарот се наоѓа во него. Бакарен оксихлорид, бакарен хидроксид, бакар сулфат и слично. Праксата покажала дека висока ефикасност бакарот покажува во форма Cu- оксихлорид. Количините на употреба на бакарните заштитни средства исто така варираат и зависат пред се од соединенијата, формата на бакарот во кој се наоѓа и секако од количината на бакар (активни материи) по килограм препарат. За да добиете посакуван ефект за употреба на бакарни препарати, количината на употреба мораат да бидат 1,8- 2 кг чист бакар по хектар.
Напишете коментар