Кое овошје можете да го калемите?

Калемењето овошје е стар занает од неколку стотици години но интересот за него со текот на времето опаднал па затоа денес многу малку луѓе професионално се занимаваат со тоа. Сепак постои потреба за тоа а овде ќе ви објасниме кое овошје може да се калеми.

Калемењето е специфично бидејќи  не може да се калеми секоја овошка и оваа област е пообемна, најпрво затоа што постојат повеќе начини на калемење а секоја постапка има свои правила. Постои калемење на папка, на конус, на лист, под кората….

Кое овошје може да се калеми?

Калемите се овошни видови од ист род но различна сорта.

На пример, речиси сите сорти на цитруси се меѓусебно компатибилни за калемење. Било кои две сорти овошки од родот Prunus, како што се јаболко, цреша и слива, исто така добро одговараат ако се калемат заедно. Кај нас најчесто се калемат слива, јаболка, круша, праска, дуња, цреша и вишна. Меѓутоа според стручњаците во некои случаи калемењето е едносмерно. Така на пример, иако кајсијата може да се калеми на слива, сливата не може да се калеми на кајсија.

Доколку ве интересира токму калемењето на сливата, треба да се знае дека џенариката е одлична подлога за калемење на слива и кајсија. Исто така, вишната може да се калеми на цреша, но обратно не е возможно.

Освен ова овошје, можат да се калемат и други видови, па така аронијата може да се калеми на неколку видови подлога а една од нив која најчесто се користи е еребика. Калемењето аронија на еребика дава поквалитетен род.

Доколку се калеми орев, можат да се добијат поквалитетни садници и постабилен принос. Со калемење на расад од бостан се постигнува подобар квалитет на плодовите и поголем принос.

Исто така  во пракса е распространето и калемење на виновата лоза за да се добие добра основа. Исто како кога ѕидате куќа, ако темелот не е добар, нема да биде добра куќата па ниту грозјето.

Исто така оваа техника се користи и за размножување на лозата бидејќи по овој пат се добива млада лоза, која по своите морфолошки карактеристики е скоро идентична на родителот од кој се добива. Со појава на болеста филоксера најчесто се калемат домашните сорти лоза на американска подлога која е отпорна на филоксерата.

Кај калемењето овошје е важно подлогата да е здрава и без оштетувања.

Кај дрвенестите овошја наједноставна техника на калемење е т.н „под кора“. Оовој вид на калемење се користи кога во својот двор сакаме да имаме некоја автохтона сорта на овошје или кога сакаме во дворот или овошните насади една сорта да ја замениме со друга.

Извор: Агромедиа