Во атарот на село Муртино се наоѓаат 150 пластеници на Кирил Илиев насадени со рана зелка. Професионално изработено, со сите агротехнички мерки, со употреба на квалитетно семе, заштита, прихрана, наводнување и се друго што е потребно за висок и квалитетен принос.
-Имаме 150 пластеника На 26.11.2024г. зелката ја насадивме во топли леи контењери од по 70 дупки. Потоа ја расадуваме на стално место во пластеници. Тоа го вршиме од почетокот на месец декември, од 01.12.2024г. па за неколку дена завршивме со расадување и сега ја надгледуваме како се развива и ја штитиме од ниски температури. Очекуваме берба во почетокот на март месец. Раната зелка има скромни температурни барања и поднесува краткотрајни ниски температури до -2 степени, притоа ние ја заштитуваме со агрил без носечка конструкција – вели Илиев за Агротим.
Тој со години е соработник со компанијата З – Пласт од каде ги набавува сите потребни репроматеријали почнувајќи од семе, ѓубрива, фолија, системи за наводнување и заштитни средства.
– Репроматеријалите ги набавуваме од компанијата З-Пласт од село Муртино. Се што е поврзано за едно производство од семенски материјали па целосен асортиман на вештачки и органски ѓубрива, целата заштита за нашите растенија и производи: фолија, систем за наводнување капка по капка и слични работи кои ни се потребни за нашето производство ги набавуваме од компанијата З-Пласт с. Муртино. За висок принос мора да се употребуваат квалитетни репроматеријали и да се извршуваат сите агротехнички мерки, ако сакаме да имаме добар род кој потоа ќе може да добие и повисока цена – изјави Илиев.
150 пластеници се навистина голема бројка и тоа бара работа и ангажирање на работна рака. Целата фамилија е ангажирана околу производството, а кога има потреба се ангажираат и 6- 8 сезонски работници.
-Ние сме четворица од нашата фамилија кои секојдневно сме анагжирани за нашето производство, по потреба и работници од 6 до 8 луѓе, сѐ во зависност од потребите кои ги бара производството. Работа има многу, но она што е за нас најважно, пласманот на зелката и другото производство ни е решено од компанијата З-Пласт од с. Муртино, со реални пазарни цени со брза и навремена исплата на нашиот труд – вели Илиев и додава дека на истата површина потоа произведуваат црвена пиперка, ајварка и од двете култури годишно имаат преку 200 тони род.
– Задоволни сме, особено во последниве години добро се заработува. Но бара многу труд, внимание и посветеност. Ние сме сконцентрирани на тоа и го работиме професионално и затоа имаме бенефит и резултати. Договорното производство е најдоброто решение за наз, земјоделците – заклучува Илиев.
