Во обид да го реши проблемот со снабдувањето со пченка, Кина решение најде во процесот на издавање дозволи за одгледување на ГМО сорти. Најголемиот светски увозник на оваа житарка сака да го реши проблемот со недостигот, што многу лесно ќе доведе до комерцијално производство.
Министерството за земјоделство бара мислење за безбедносното одобрување на три вида ГМО пченка од кинескиот Земјоделски универзитет и тамошните компании кои можат да ја произведуваат, наведува Блумберг.
Исто така, сакаат да одобрат седум нови видови на ГМО памук. Веќе во ноември предложија ревизија на регулаторните правила за семиња за да се отвори пат за одобрување на овој вид култура, за прв пат досега.
Најголеми светски производители на ГМО пченка и соја се САД, Бразил и Аргентина. Нивната употреба и одгледување се ограничени во голем број земји поради загриженоста за тоа како тие влијаат врз здравјето и природната средина.
Засега Кина дозволува увоз на вакви култури за преработка и како добиточна храна, но не и семе за сеидба. Веста доаѓа кога земјата собира глобални резерви на жито за да ја нахрани растечката популација на свињи кои се опоравуваат од африканската свинска чума. Новите сорти треба да бидат поотпорни на широк спектар инсекти.
Увозот на пченка скокна на рекордно ниво, предизвикувајќи глобални зголемувања на цените бидејќи инвеститорите исто така биле загрижени за понудата.
