Министерот за земјоделство на Република Србија, Бранислав Недимовиќ, изјави дека Србија во текот на 2021 година извезла храна во вредност поголема од пет милијарди долари, што e најмногу во историјата
„Очекувам резултатите во следната година да бидат уште подобри, бидејќи храната ќе биде важна дури во пост кoвид периодот“, изјави Недимовиќ во гостувањето на телевизија Прва. Тој истакна дека министерството се обидува во земјоделството да донесе што повеќе млади луѓе и да дава добри субвенции за стартапи во земјоделството.
Србија во 2021 година идентификувала 1350 ха напуштено земјиште, а министерот за земјоделство вели дека тоа земјиште оди под закуп преку електронск лицитации.
„Ја гледав електронската лицитација во Вршац на која државата одлично помина. Земјиштето беше давано под закуп по цени од 35.000 до 151.000 по хектар за една година. Во друга општина сите парцели се издавани по 60 до 70.000 годишно. Ако не им се исплати на луѓето, не би плаќале толкава закупнина“,заклучува Недимовиќ.
Тој додава дека во земјоделството очигледно има пари и дека допрва ќе ги има, бидејќи како што вели тој, храната ќе биде сѐ поважна и поскапа. Тоа особено важи за пченицата, пченката и други житни култури, истакна Недимовиќ.
Рече дека неговото министерство во целост е подготвено за „Отворен Балкан“ и пласманот на храната во рамки на оваа иницијатива.
„Кога ќе се срушат границите во фитосанитарниот систем само небото е граница во поглед на храната. Нам ни е цел во наредната година, две да ја подигнеме трговијата со храна помеѓу овие три земји од 420 милиони на милијарда долари“, посочи Недимовиќ.
