Еден од омилените видови зеленчук што го одгледуваме во нашите градини е кромидот, особено црвениот.
Владимир Милутиновиќ, дипломиран инженер, објаснува зошто црвениот кромид треба да се одгледува поинаку од црниот или жолтиот, каква почва му одговара, дали бара многу кога станува збор за наводнување и кое е најдоброто растојание меѓу луковиците.
За успешно одгледување на црвениот кромид, најдобро е да имате посебно, соодветно место за него во градината. Земјиштето треба да биде квалитетно, добро обработено, иситнето и со многу хумус.
Доколку не сте во можност да додадете арско ѓубриво при подготовката на почвата, добро би било да фрлите барем минерално ѓубриво. Се препорачува NPK 3 × 15.
Кога ќе ја подготвите леата за садење црвен кромид и ќе ги ископате каналите, можете да посипете мала количина минерално ѓубриво. Доволна е една рака ѓубриво или две низ целата леа. После тоа, кромидот треба да се засади на растојание од најмалку 10 до 15 сантиметри за секое растение да има доволно количество храна што ќе овозможи правилен развој на кореновиот систем. Покрај тоа, ваквото растојание ви овозможува подоцна полесно да го ископате вашиот кромид.
За разлика од обичниот кромид, црвениот кромид бара многу кога станува збор за количината на влага. Тоа значи дека доколку сте во можност редовно да го полевате, особено во посувиот период од годината, задолжително направете го тоа. Со тоа ќе добиете поголеми и порамномерни главици.
Освен наводнувањето, важно е и редовно обработување на почвата. Имено, можно е во текот на вегетацијата да дојде до нејзино набивање, со што ќе се спречи ширењето и квалитетниот развој на коренот. Затоа, кога го наводнувате растението, пожелно е да го окопате вашиот кромид и да додадете малку хумус.
Ако правилно сте го направиле растојанието при садењето црвен кромид, ќе имате доволно простор помеѓу луковиците кој можете да ги искористите. На него можете да посеете, на пример, малку зелена салата. Како што расте кромидот, веќе ќе ја наерете и салатата, а просторот меѓу редовите повторно ќе биде празен и подготвен за окопување. На тој начин ќе ја искористите истата парцела за две култури.
Извор: agrosavjet.com
