Изменет и редуциран сообраќаен режим на движење и паркирање ќе има во Кавадарци за време на „Тиквешки гроздобер”, информираа денеска од кавадаречкото јавно претпријатие „Паркинг”.
Стопанско-културната и туристичка манифестација ќе се одржи од 7 до 11 септември.
Општината Кавадарци ги извести сите градежни фирми кои вршат градежни активности како ископи, бетонирање и слично, во и вон градското подрачје на град Кавадарци, во периодот од утре, заклучно со недела, да ги прекинат работите поради одржување на манифестацијата „Тиквешки гроздобер 2022″.
