Бербата на јагоди од раното производство во регионот Метапонтино во покраината Базиликат трае непречено. Она што ги радува производителите е порастот на цените и побарувачката во Германија, Велика Британија и Франција.
„Дневно испраќаме околу 35 палети на разни европски дестинации, како Хамбург, Нирнберг, Штутгарт, Лондон и Париз. Секој купувач го снабдуваме двапати неделно, а јагодите стигнуваат на пазарите во оптимална зрелост и најдоцна 36 часа после бербата. Моментално на нашите полиња имаме повеќе од 250 обучени жени кои ги берат најдобрите јагоди за националниот и меѓународниот пазар“, изјавил Џузепе Зукарела од организацијата на производители од земјоделската задруга ОП Зукарела од местото Сконцано Јонико од крајниот југ на Италија.
„Во текот на последните неколку денови, поради слабото присуство на јагоди од Шпанија, забележуваме пораст на нарачките од Германија, Велика Британија и Франција за околу 30%. Се работи за сорти кои имаат долг рок на траење и затоа многу се погодни за превоз на голема оддалеченост. Цената е поволна и се движи од 4,50-5,50 €/кг. За околу 20% цените се повисоки во однос на истиот период минатата година.
Мал дел од нашето производство се испраќа на домашниот пазар во сите региони на Италија.
„Јагодите ги нудиме во текот на 10 месеци во годината и имаме константни количини од почетокот на јануари, со благ пораст во потоплите месеци, со што се елиминира проблемот на класичните пролетни врвови на производство и последователен пад на цената. Се чини дека продажбата на портокали исто така добро оди во Европа, во споредба со италијанскиот домашен пазар. Во завршна фаза сме на берба на рани сорти и полека преминуваме на подоцните, што ќе биде актуелно до почетокот на мај“, вели Џузепе Зукарела.
