Меѓународниот совет за живина (IPC) побарал од организацијата на ОН за храна и земјоделство, Светската трговска организација и меѓувладината Светска органИзација за здравје на животните, помош за живинарската индустрија.
Меѓународниот совет за живина, кој опфаќа 29 живинарски организации во светот, вклучувајќи ги и САД, ЕУ и Русија, изрази загриженост дека живинарството е во опасност поради запирање на испораките на расплодните единки во некои земји.
Поради глобалниот прекин на авио сообраќајот некои компании би можеле да останат без живина за одгледување и лежење на јајца, соопшти IPC и ги повика меѓународните регулатори и владите на државите да го решат овој проблем.
IPC бара да се овозможат летови со материјал за размножување, неопходен за одржување на живинарската индустрија.
