Европскиот одбор за млеко предупредува дека производството на млеко се најде во негативна спирала и повоикува на донесување на итни мерки.
Иако побарувачката за млеко во подавниците порасна, затворањето на рестораните, училиштата и угостителските објекти доведе до пад во целокупната побарувачка на млеко, што предизвика сериозна нерамнотежа на пазарот.
Европскиот одбор за млеко предупреди на фактот дека производството на млеко се наоѓа во негативна спирала и го повика комесарот на Европската комисија за земјоделство Јануз Војциечовски, веднаш да се намали производството, известува Дајари Репортер.
„На намалената побарувачка мора да се одговори со привремено намалување на понудата, за пазарот да не остане и понатаму во ваква опасна состојба на нерамнотежа“, истакна претседателот на Европскиот одбор на млеко, Ервин Шопгес.
„Драстичниот пад на цената, ќе доведедо фрлање на млекото доколку на ваквито развој на ситуацијата не и се пристапи на ниво на ЕУ со координирани, доброволно намалени цени и тоа веднаш. Колапсот ширум Европа ќе биде страшен“ , додава потпретседателкатa на ЕМБ Сиета ван Кеимпем.
Складирање на млеко во прав
Германската министерка за земјоделство Јулија Клокнер се обрати на Европската комисија со предлог за давање финансиска поддршка во врска со трошоците за складирање на млеко во прав, откако сличен предлог упати и францускиот министер за земјоделство Дидиер Гуилауме.
Германското здружение на земјоделци известува за пад на извозот на млекото. Намалениот извоз на млеко,особено во Азија, ќе доведе до пад на цената, предупреди министерката Клокнер. Како што јавува Ројтерс, Клокнер ги навела и говедското месо, овошјето, зеленчукот и виното како производи кои треба да се држат под интензивен надзор.
Во Велика Британија, четвртина од производителите на млеко се наоѓаат во финансиска неиздржлива ситуација, објави Националната заедница на земјоделци . Преработувачите на млеко ги намалуваат цените и нарачките на илјадници производители во пролетно време, кога производството на млеко е на врв. Според пишувањето на Фајненшнал Тајмс, се проценува дека 10 000 млекари во Велика Британија моментално работат со загуба.
