Првиот подводен музеј во Грција ќе биде отворен во сабота на 1 август, а посетителите на изложбата која ќе трае до 2 октомври ќе можат да уживаат во остатоците и предметите кои се наоѓале на потонат брод од 5 век, пред новата ера.
Музејот се наоѓа на островот Алонизос во Грција, недалеку од брегот на соседниот ненаселен остров Перистера, пренесува ANA. Посетителите на Музејот ќе го разгледуваат нуркајќи, сами или со помош на професионални нуркачи.
Оние кои не сакаат да нуркаат, изложбата ќе можат да ја видат, со помош на виртуелни тури користејќи VR технологија.
Прочуените остатоци од потонат брод, кој ќе биде претставен на изложбата, се смета за еден од најважните пронајдени антиквитети, а го откриле во 1985 година рибари од Алонизос, недалеку од карпестиот брег на Перистера на длабочина од 28 метри. Се смета дека тоа бил голем трговски брод кој потонал сред бура околу 425 година п.н.е.
На бродот имало амфори со вино од Пепаритос и Менди, антички градови познати некогаш по доброто вино.
Извор: ekapija
