Замислете вашиот меден месец да го поминете во еко хотел кој плови на средината од океанот, и секоја ноќ да спиете под ведро небо? Сега тоа е изводливо, благодарение на компанијата Anthenea. Оваа француска компанија стои позади првиот пливачки хотел кој се напојува со соларна енергија, истовремено овозможувајќи навистина незаборавно искуство, пишува travelmagazine.rs.
Филмот за Џејмс Бонд како инспирација?
Еко-хотелот Anthanea овозможува поглед од 360 степени на океанот, а преку стакленото дно посетителите можат да го гледаат чудниот свет на риби, пишува Lonely Planet. Според наводите на компанијата, идејата прво потекнала од филмот за агентот 007 од 1977 година „Шпионот кој ме сакаше“. Позади проектот се криела силна желба да се создаде нешто неверојатно и футуристичко.
Првиот Anthenea хотел е изграден во пристаништето Trbebeurden на црвениот граничен брег на Бретања во Франција. На самиот врв на хотелот се наоѓа платформа кој може да служи за сончање, свечени вечери и ручеци, а целиот хотел може да прими дванаесет луѓе.
Изнајмувањето моментално е овозможено само за кратко време иако компанијата соопштила дека веќе до сега примила голем број на барања. Постојат планови за испораки на нови „капсули“ кои треба да се ивршат до пролет 2021 година, што значи дека повеќе вакви Antheneаi хотели ќе се направат на разни локации ширум светот.
Капсулата со големина од 540 метри квадратни е дизајнирана да работи на соларна енергија, со пет автоматски ротирачки соларни панели. Исто така има извонредно голем кревет во главната спална соба, када со морска вода и панорамска кујна.
– „Бидејќи Anthenea е сертифициран како еко хотел, дава можност да пловите низ морскиот пејсаж во режим на бавно откривање и да го спуштете сидрото таму каде ви сака срцето. Не се потребни посебни навигациски вештини или лиценци – стои во соопштението на компанијата. Цените за закуп се движат од 290 евра за две лица, за една ноќ.
Извор: Еkapijа
