Сурутката го зајакнува имунитетот, моќна е за чистење на црниот дроб, придонесува за здравјето на крвните садови, а редовното консумирање сурутка може да ги ублажи појавите на висок крвен притисок, замор и стрес.
Одличен напиток за заболен црн дроб
Сурутката е моќно средство за чистење на црниот дроб, а чистиот црн дроб е клуч за добро здравје. Ако страдате од некое заболување на црниот дроб, редовно пијте сурутка.
Богата е со состојки кои го зајакнуваат имунитетот, што е многу корисно при хроничен хепатитис.
Полна е со цистеин, потребен на телото за производство на глутатион, антиоксиданс кој го штити телото од воспаленија и токсини.
За издржливост и слабеење
Сурутката треба да биде дел од вашата секојдневна исхрана ако се занимавате со физички активности, ако се обидувате да изгубите тежина или ако сте под стрес.
Овозможува побрзо закрепнување и раст на мускулите после вежбање, го намалува апетитот и го поттикнува губењето на тежината.
Помага во работата на крвните садови
Истражувањата покажуваат дека придонесува и за кардиоваскуларното здравје, бидејќи ја намалува гликозата во крвта и крвниот притисок. Дебелината, високиот крвен притисок, заморот и стресот се неволјите на модерниот живот кои можете значително да ги ублажите со редовно консумирање сурутка.
Одлична за забрзување на метаболизмот
Сурутката има млечна киселина, која го намалува прекумерниот број на габи и бактерии во цревата, а нејзиниот низок PH ја стимулира нивната работа. Консумирајте ја редовно при запек, надуеност, грчеви, дивертикулитис и хронично воспаление на цревата.
Овој стар домашен лек многу ќе ви помогне со следниве болести:
-чистење на телото од токсини
-хроничен замор и стрес
-дебелина и прејадување
-висок притисок
-паѓање на имунитетот
-стомачни тегоби
-заболување на црниот дроб
Можете сами да направите сурутка од сирово домашно млеко, да ја набавите од локални производители, на пазари или во продавници за органска храна. Козјата сурутка е најдобра, но и кравјата е одлична.
Најпрвин, пијте ја сурутката умерено, бидејќи има диуретично дејство. Можете да пиете 1,5 децилитри трипати на ден, а оваа доза можете постепено да ја зголемувате на еден литар дневно.
При проблеми со варење, измешајте една лажица сурутка во чаша вода и пијте пред секој оброк.
