Министерката за земјоделство на Германија Јулија Клоцкнер, предупреди дека би можело од месец мај да има недостаток од одредени продукти , посебно од овошје и зеленчук.
Таа со пакет мерки сака да го спречи очекуваниот недостаток од прехрамбени продукти и во писмото што го упати до владеачките партии побара спроведување на пакет мерки за помош на земјоделството и прехрамбената индустрија.
„ Ланецот за снабдување со прехрамбени производа мора да остане недопрен. Тоа што нема да се посее, тоа што нема да се насади , нема да се ожнее и да се транспортира на крајот ќе му недостасува на населението“ предупредува министерката.
Исто така предупреди дека од мај ќе има големи проблеми ако не се сади зеленчук.
„ Степенот на самоснабдување со одредени основни продукти во Германија е повеќе од 100%, но кај овошјето и зеленчукот тој изнесува помалку од 40 %“- објасни таа.
Исто така министерката истакна дека, на Германија и се заканува огромен проблем со недостаток од работна сила што понатаму би имал и последици во производството. Во март на Германија по правило и требаат 30 000 сезонски работници, а во мај дури 85 000, што моментално речиси е невозможно да се реши тој проблем.
Извор: СлободнаБосна
