После повеќе од една деценија работа на неговиот развој, генетски модифицираниот виолетов патлиџан е одобрен за одгледување и консумирање во САД од страна на тамошното Министерство за земјоделство. Како што тврдат, вавкиот вид домат ќе содржи 10 пати повеќе антиоксиданси отколку сите претходни видови.
Првата студија за оваа иновација беше објавена во 2008 година во весникот Nature Biotechnology. Истражувањето потврдило дека биле изменети гените на еден вид домат за да се создаде поголема количина антиоксиданси – антоцијанини во зеленчукот.
Антоцијанините се среќаваат во повеќе видови храна, како што се боровинките и црвената зелка. Тие се одговорни за виолетовата боја на зелечнукот и се смета дека имаат многу големи бенефити по здравјето, како што е намалување на ризикот од срцеви заболувања и дијабетес.
Некои видови домати со природно виолетова лушпа содржат поголема количина антиоксиданси, но некои научници се прашувале дали тие нивоа може да се зголемат со неколку генетски модификации. Две гени биле земени од друго растение и биле додадени во сега произведениот виолетов домат. Гените ја зголемиле веќе постоечката способност на доматот да произведува антоцијанини, а резултатот е уникатен плод со богата вилетова боја и однадвор и во внатрешноста.
После долг период проверки низ регулаторните тела, генетски модифицираниот домат сега е чекор поблиску до маркетите. Одобрението од Инспекцијата за здравје на животните и растенијата (APHIS) значи дека генетски модифицираното растение не подлежи на строги контроли кои го ограничуваат местото и начинот на одгледување. Сега може безбедно да се одгледува каде било во САД како и секое друго растение. пренесува New atlas.
Напишете коментар