Иако тревките се собираат цела година, сепак летото е најважна сезона за берење. Момчило Антонијевиќ (41) последниве месеци ги собирал на Златибор, Златар, Космај и во Овчарско-кабларската клисура.
Оваа година за прв пат организирал двомесечна настава за познавање на лековити треви „Биљарница“, па со учесниците одел на берење и запознавање со лековити треви на неколку локалитети во близина на Белград, пренесува порталот Pricesadusom.com.
Овој Ужичанец во 2013 година го отворил јутјуб каналот „Snaga bilja“ и истоимениот сајт, кои во последниве осум години добиле стотина илјади прегледи и посетители од сите краишта на светот. Момчило вели дека сѐ повеќе луѓе посакале повеќе време да поминуваат во природа и да научат нешто за тревките, дрвјата, дивото овошје и печурките.
„Епидемијата ни го привлече вниманието на една многу важна работа, дека тревките првенствено треба да бидат моќно оружје со кое го чуваме здравјето, добра превентива и лек кој ни помага нашиот организам да функционира беспрекорно. Често се јавуваат луѓе кои имаат проблеми со варењето, со нервозни црева и болки во желудникот. Чести се уринарните инфекции, нервоза, несоница и кожни заболувања.“, вели тој.
„Иако сум самоук, веројатно имале влијание и генетските врски. Моето семејство има куќа на Златибор, а на оваа планина поминував многу време и стекнав основно познавање за тревките. Секогаш знаев каде има шумски јагоди, на која страна треба да се бараат печурки и многу брзо научив да ги собирам тревките кои секогаш ги имавме дома: диво нане, мајчина душичка, кантарион, ајдучка трева, трева ива. Правам чаеви, мелеми, тинктури, ракии треварки, вино со лековити тревки, но и природни фарби за коса. Следната година целосно ќе се посветам на правење на лековити производи.“, објаснува Момчило.
Секое утро Момчило го започнува со задолжителна шолја чај. Видот на чајот го емнува во текот ан годината а моментално пие вранилова трева.
Таа е позната по силното антисептично дејство на грам позитивни и грам негативни бактерии, предизвикувачи на инфекции во органите за варење, дишење и мокрење.
„Оваа тревка го намалува потењето, па особено е погодна за лето. Има и фантастичен вкус. Во текот на денот пијам и тинктура од лековитата печурка, реиши, која го зајакнува нашиот имунолошки систем и ни помага да останеме здрави. За крај на денот бирам шолја чај од маточина која смирува, опушта и помага полесно да запиеме“, вели Момчило.
Неодамна почнал да објавува фотографии од јадења од самоникнати билки, чии рецепти ќе ги напише во својата нова книга. Еден од нив е и планинскиот појадок со гавез, јајца и сланина.
„Станува збор за еден специфичен Готвач, со кулинарски рецепти кои не се претерано комплицирани, а во кои задолжително се користат лековити, диви и самоникнати треви. Рецептите се формулирани така што секој може релативно лесно да ги подготви, јадењата да бидат повкусни, поздрави, и да се зголеми степенот на дивина во нашата кујна, бидејќи самоникнатите тревки ги користиме занемарувачки малку“, додава Момчило.
Извор: pricesadusom.com
