(ФОТО) Чудесната градина на Дубаи е вистинска земја на чудата – Има повеќе од 250 милиони растенија, а целата градина се наводнува со прочистена отпадна вода

Ако од нешто ќе ви застане здивот, тогаш тоа е дефинитивно Miracle Garden во Дубаи, која се простира на 72.000 квадратни метри и е дом на повеќе од 250 милиони различни цвеќиња и растенија. Неколку стотици работници работат на одржување на градината, а растенијата се наводнуваат со прочистена отпадна вода од Дубаи.

Концептот на проектот на првата ваква градина е создаден како дел од договорот помеѓу областа Дубаиленд и Дубаи Пропертис Груп, а вкупниот трошок се проценува на 11 милиони долари. Откако првата фаза од проектот беше завршена и отворена во февруари 2013 година, која се состоеше од 2000 квадратни метри надворешни објекти вклучувајќи вертикално и хоризонтално уредување на околината, развојот на првата фаза траеше два месеци, а биле потребни 400 работници и градинари.

Втората фаза од проектот започна во средината на јуни 2013 година и беше завршена во октомври. Опфати 70 проценти проширување на првичните 2.000 квадратни метри и вклучуваше додавање на цветен часовник, градина со пеперутки, продавници и џамии, сето тоа во цветни и растителни изданија и инсталации.

Она што ја прави посебна оваа чудесна градина е нејзиното одржување. Цвеќињата се одржуваат и се наводнуваат со повторна употреба на прочистена отпадна вода со методот на наводнување капка по капка со просечна количина од 757.082 литри вода дневно. Како што тврдат претставници на Dubai Miracle Garden, овој дел од Дубаи каде што се наоѓа градината, ја повлекува отпадната вода од градот и ја праќа директно во градината каде што повторно ја филтрираат водата и ја претвораат во висококвалитетна вода за употреба во градината.

Градината се наводнува дури откако навечер ќе се затвпри за посетители. Покрај тоа, во 2015 година Dubai Miracle Garden ја отвори Dubai Butterfly Garden, најголемата и прва затворена градина на пеперутки во светот и уточиште за повеќе од 15.000 пеперутки од 26 видови во регионот. Оваа уникатна градина е отворена од октомври до април секоја година. Затворена е од мај до септември поради високите температури кои во просек се 40 °C. Цената на билетот е 13 евра за возрасни и 9 евра за деца.