Веројатно многумина од вас се зачудиле кога додека сте читале рецепт за туршија, како една од состојките сте го забележале аспиринот. Многумина подготвувачи на туршија се согласуваат дека аспиринот е тајната состојка за зачувување на зимницата.
Аспиринот е еден од најпознатите лекови во светот. Добиен од кора од врба, со години им помага на децата и на возрасните при разни болести, како лек против болки и воспалителни процеси, како и при ревматизам. Уште едно од неговите главни функции е разредување на крвта и спречување на згрутчување.
Ова својство се манифестира во друга форма кога се користи при подготовка на туршија. Вклучен во вистинската доза, аспиринот не дозволува зеленчукот да омекне и да стане кашест. Дејствува како природен конзерванс без да му наштети на човечкиот организам. На овој начин го продолжува рокот на траење на домашната туршија дури и неколку години.
