Вчера во Куманово почна тридневниот Меѓународен саем на органски традиционални производи „Органска трпеза“ и првиот Меѓународен саем за земјоделство, технологии, храна и преработки „АГРО МАК 2022“.
-Задоволни сме од одѕивот, добро е што има различни излагачи. Очекуваме добра посетеност, излагачите да соработуваат, да најдат соработници, да разменат искуства, изјави претседателот на комората, Драган Цветковиќ.
И екипата на Агротим го посети саемот. На штандовите се нудат домашни производи, органски производи, брашно, сирење, кашкавал, мед, ракотворби, модерна технологија за земјоделството, механизација…
Погледнете дел од атмосферата и од разновидната понуда:
Саемот го организираат здружението за развој на земјоделство и заштита на животна средина преку истражување, едукација и одржување на биодиверзитет „ЖИВОТ“ и Комората на органски производители – КОП од Куманово со поддршка на општината. Како што најавија организаторите, предвидено е да учествуваат околу 3.000 луѓе од кои 200 до 250 излагачи од државата, Србија, Бугарија, Хрватска, Словенија, Босна и Херцеговина, Словачка, Унгарија, Црна Гора, Косово, Турција и други.
