Во тек е повик на Фондот за иновации: Неповратни 25.000 евра грант или 90% од вкупниот буџет за проектот

Предизвикот за Справување со климатски промени 2022 има за цел да поттикне зголемување на активности за развивање на иновативни технологии, производи и процеси за ублажување на последиците од климатски промени, како и поактивно вклучување на приватниот сектор во развојот на зелените бизниси и креирање на нови работни места во оваа област.

Предлог проектите треба да вклучуваат развој на иновативни, климатски/чисти технологии, производи или процеси кои придонесуваат кон ублажување или намалување на последиците од климатските промени.

Износ на средства кои може да се доделат за проект

Фондот обезбедува финансирање најмногу до 1.500.000 денари, до 90% од вкупниот буџет за проектот.

Период за спроведување на проектот

Времето за спроведување на проектот може да трае најмногу 12 месеци.

Кој може да аплицира

Најважни критериуми за подобност кои треба да ги исполнува апликантот:

• регистрирано трговско друштво (фирма) основано согласно Законот за трговски друштва
• микро, мало или средно претпријатие со најмногу 250 вработени и годишен приход до 10 милиони евра

Рокот за аплицирање на јавниот повик е до 01/09/2022 година, до 14:00 часот.

Предлог-проектот треба да опфати активности за развивање или примена на технологии, производи и процеси за ублажување или прилагодување на последиците од климатски промени.

Активностите може да вклучуваат:

• Развој на ново, иновативно решение во фази од потврден концепт до решение функционално во реална средина за целите на ублажување или прилагодување кон климатски промени;
• Активности за тестирање на нов производ, услуга или модел за целите на ублажување или прилагодување кон климатски промени;
• Активности за истражување и развој на климатски технологии;
• Дизајн и развој на прототип на климатски технологии;
• Активности за воведување на нова климатска технологија;
• Активности за мултиплицирање на климатски технологии и/или активности во други средини и други целни групи;

Горенаведената листа на активности не е ограничувачка.