Италија се гордее со својата традиција за сладолед. Во нормални услови, штом ќе затопли времето сите брзаат кон продавниците за сладолед. Денес тоа повеќе наликува на посета на болница.
Продавачот на на сладолед од Рим користи долга плaстична штипка со која низ отвор во преградата од плексиглас ги зема топчињата. Продавачот Паоло Константини носи заштитна кацига со пластичен визир, пластични ракавици и маска.
– „ Можете да заборавите на тоа што беше пред појавата на ковид – 19, моравме повторно да ја осмислиме својата работа“, вели овој познат продавач на сладолед.
Пред неговата слаткарница Il Gelatone, од која се гледа Колосеумот, се наоѓа и машина за дезинфекција на рацете. На купувачите на влезот на термалниот скенер им се мери температура, а на подот се црно-жолти линии кои укажуваат на растојание кое мора да го почитуваат.
„Се обидуваме да се заштитиме себеси, нашите вработените и секако муштериите и тоа колку што можеме повеќе“, изјави Константини.
Италијанците во понеделникот добија зрак на слобода. Дел од мерките против пандемијата се укинати и сега можат да вежбаат на отворено. Кафулињата, обложувалниците, рестораните и продавниците за слатки се отворени за подготовка на храна и колачи „ за надвор “. Тие со помош на заштитни мерки, како пластични прегради меѓу мaсите, ќе можат да ги отворат вратите на своите објекти дури во јуни. За многумина тоа е еднакво на катастрофа бидејќи гастрономијата е крвоток на италијанското стопанство.
Се проценува дека стопанските загуби поради карантинот само до јуни би можеле да изнесуваат 34 милијарди евра. Дотогаш би можело да се затворат 50 илјади фирми а 350 илјади луѓе да останат без работа.
