Вчера во ЕУ е постигнат политички договор за закон со кој се забранува увоз на производи на пазарот на ЕУ кои се резултат на уништување и деградација на шумите
Договорот за регулативата треба да биде потврден од посебен совет и од Парламентот, а стапува во сила 20 дена по објавувањето во Службениот весник на ЕУ.
Според таа регулатива, увозниците ќе треба да докажат дека стоката што ја увезуваат на територијата на ЕУ не настанала со уништување на шумите. Тоа значи дека потрошувачите во ЕУ повеќе нема да можат да консумираат производи како говедско месо, кафе, какао, палмино масло, соја… чие производство придонело за уништување на шумите во различни делови на светот.
Компаниите, исто така, треба да покажат дека стоките што ги увезуваат се во согласност со правилата на земјата на потекло, вклучувајќи ги и човековите права и заштитата на автохтоното население.
Оние кои ќе го прекршат ова правило се соочуваат со високи казни, кои можат да достигнат четири отсто од нивниот промет во ЕУ.
