Екстремните жештини, сушата и шумските пожари низ Европа ова лето предизвикаа штета во земјоделскиот сектор на Европската Унија од 14 до 17 милијарди евра, изјави комесарот за земјоделство Кристоф Хансен.
„Целиот обем на загубите ќе стане јасен дури откако ќе заврши жетвата“, изјави Хансен по состанокот на министрите за земјоделство во Брисел.
Хансен повика на поголеми инвестиции во складирање на вода и попрецизни методи за наводнување. Тој, исто така, повика на задолжително осигурување за заштита на земјоделците од загуби, нагласувајќи дека таквото покритие е важно и за поттикнување на инвестиции.
„Само 12 проценти од земјоделското производство во Европската Унија во моментов е осигурано од штети“, рече Хансен.
Претседателката на Европската комисија, Урсула фон дер Лајен, во својот говор за состојбата на Унијата пред две недели, објави планови за европска иницијатива за вода и вети дека ќе ги реши празнините во осигурувањето на земјоделците.
МИА
