За две недели завршува јавниот повик за Мерката 7 „Диверзификација на фарми и развој на мали бизниси“ од ИПАРД 2 Програмата.
Сите заинтересирани можат да поднесат барања до Агенцијата за финансиска поддршка во земјоделството и руралниот развој најдоцна до 18- ти ноември 2019 – та година.
Вкупно на располагање за реализација на инвестиции по оваа мерка се 16,6 милиони евра. Оваа мерка овозможува кофинансирање на 65 отсто од трошоците за инвестиции во модернизација на постоечките или отворање на нови преработувачки капацитети, фарми за одгледување на зајаци, дивеч, насади за дрва и дрвена маса, аквакултурни фарми за слатководна риба, традиционални сместувачки капацитети како и отворање на ресторани кои нудат угостителски услуги.
Со ефикасно искористување на оваа мерка ќе се придонесе за отворање на нови работни места во руралните средини, развој на руралниот туризам, како и подобрување на квалитетот на живот во руралните средини и зголемување на нивото на економската активност.
