Карванот за информирање на земјоделците за спроведување и користење на ИПАРД 2 денеска пред земјоделците во Делчево ќе ги претстави можностите што ги нуди оваа програма.
Како што информира раководителот на секторот земјоделство при МЗШВ Делчево, Илија Каранфиловски, инфоденот ќе има меѓуопштински карактер.
– Поканети се и земјоделци од Македонска Каменица, како и од населените места од оваа општина и Делчево. Во овој регион, кој е познат како Пијанечки, во минатото имаме успешни примери на искористување ИПАРД-средства, така што ова ќе биде нова можност тие дополнително да се информираат за кои мерки ќе можат да аплицираат преку Инструментот за претпристапна помош на ЕУ, рече Каранфиловски.
Земјоделците од Делчевско и Каменичко ќе бидат запознаени со јавниот повик за користење ИПАРД-средства за мерката 7: „Диверзификација на фармите и развој на бизниси“.
На средбата е најавено присуство на претставници на телото за управување со ИПАРД-фондовите од Министерството за земјоделство и Агенцијата за финансиска поддршка во земјоделството и руралниот развој.
Во рамките на едукативната кампања за ИПАРД-програмата 2014 – 2020, мерките досега беа презентирани пред земјоделците од општините Берово и Пехчево.
Извор:Опсервер
