Во 2021 година, за градинарскиот дел, сезоната заврши добро. Но, цените на сточната храна и житариците отидоа многу нагоре, констатација која го наметна прашањето за субвенционирање на репроматеријалите кое го бараат земјоделците.
-Државата може да помогне само во законски рамки. Субвенционирање на репроматеријали е тешко за спроведување, нема таков модел ни во европските земји. Ги разбирам земјоделците, но ќе навлеземе во нарушување на пазарот. Ние ја субвенционираме набавката на сертифициран семенски материјал и сметам дека тоа е правилниот начин. СЕ друго ќе доведе до нарушување на пазарот” – одговори Заменик министерот за земјоделство Трајан Димковски на прашањето дали државата може да им помогне на земјоделците во набавката на репроматеријалите, во емисијата „Аграр“ на Националната телевизија.
