За 30 милилитри парфем „Шанел 5“ потребни се дури 30 илјади цветови јасмин, кој се бере во гратчето Грас на Азурниот брег, а веќе 5 децении цвеќето го одгледува семејството Мил.
– „Тоа е најскап јасмин на светот. Има сладуникав вкус, помалку агресивен и помек од егзотичниот јасмин. Парфемот би бил потполно поинаков ако цвеќето се одгледува на било која друга локација“ – вели Жозеф Мил.
Јасминот за овој прочуен парфем се берe рачно, а семејството Мил секоја година за време на бербата, која трае од август до ноември, вработува најмалку 70 луѓе за таа работа.
Се берат цвеќиња насадени на околу 5 хектари земја, а Жозеф Мил вели дека едно лице собира околу половина килограм цвеќе за еден час. За килограм листови јасмин потребно е да се соберат 8000 редови.
Овој посебен јасмин од Прованса, е 20 до 30 пати поскап од јасминот од Египет или Индија.
Легендарната креаторка Коко Шанел далечната 1921 година го нагажирала Ернест Бо да направи шест мириси за неа, а таа потоа ќе избере еден. Легендата вели дека Коко го избрала бројот 5, кој нејзе и инаку и бил среќен број и така настанал Шанел 5.
Најдобра промотерка на овој парфем била Мерлин Монро, која во една прилика изјавила дека при спиење нанесува неколку капки од овој опоен мирис.
