Производството на лебна пченица во Европската унија се очекува нагло да се зголеми следната година по подобрувањето на времето, според Strategie Grains. Во првичните прогнози за жетвата 2025-2026 година. аналитичарите очекуваат сеидбата на пченица да се зголеми за еден милион хектари, или околу 5%, од 20,4 милиони хектари ожнеани оваа сезона.
„Посувите услови во последниве недели им овозможија на земјоделците во Западна Европа да постигнат добар напредок во сеидбата, додека во југоисточните земји-членки на ЕУ враќањето на врнежите се покажа како спaс“, коментираат од „Strategie Grains“.
Подобрувањето на временските услови ги намали стравувањата од повторување на минатогодишната ситуација, кога поројните дождови доведоа до остар пад на производството на пченица во делови од западна Европа, вклучително и Франција. Сепак, агенцијата предупреди дека тешкиот почеток на сеидбата веќе влијаел на потенцијалот за принос на пченицата.
Површината со јачмен во ЕУ се предвидува да падне за 250.000 хектари од 10,3 милиони хектари оваа година, што е пад од повеќе од 2%, додека површината на ЕУ со пченка ќе изгуби 6% од 8,7 милиони хектари оваа година.
Очекуваниот пад на јачменот и пченката го одразува планираното проширување на површините со пченица, стои според Strategie Grains. За тековната кампања, експертите ја оставија својата проценка за реколтата на обичната пченица во ЕУ непроменета на 12-годишно најниско ниво (114,4 милиони тони), по поројните дождови во текот на периодот на одгледување. Компанијата незначително ги намали своите прогнози за посевите на пченка и јачмен во ЕУ за 2024/25 година, определени соодветно на 58 милиони и 50,5 милиони тони. Очекуваната реколта од пченка е за речиси 8% помала од минатата година, поради штетите предизвикани од сушата и топлината во југоисточна Европа. Во меѓувреме, производството на јачмен е зголемено за повеќе од 5% од 12-годишниот минимум постигнат во 2023 година, но останува под просекот од последните години.
Според Strategie Grains, ЕУ ќе има сериозно ограничени залихи на пченица и јачмен на крајот на сезоната по овие неуспеси во производството и очекуваниот пад на увозот од Украина. Снабдувањето со пченка би требало да биде пообилно поради големите залихи од минатата сезона, иако помалите количини во Украина ќе ја принудат ЕУ да увезува повеќе пченка од Америка, се вели во извештајот на агенцијата.
