Со отворањето на пазарите, а со тоа и се подобрата снабденост во продавниците, светот на зачини и зачински мешавини стана попристапен, така да денес речиси и да нема домаќинство во кое не се практикува модерната европска, азиска, кинеска или некоја друга странска кујна, која задолжително вклучува разни егзотични зачини.
Еден од нив е секако црниот лимон, секојдневен зачин во јадењата на блискоисточните земји. Често се сретнува во персиската кујна, како и во кујните на другите арапски земји. Спротивно од мислењето дека се работи за лимон, всушност станува збор за лимета. На Блискиот исток го нарекуваат loomi, а може да се купи и мелен во прав.
Црниот лимон на изглед не изгледа привлечно со оглед на тоа дека плодовите се мали со кафеава до црна боја. Се подготвуваат така да свежите подови од ова растение се варат па се оставаат на сонце да се исушат. Сето тоа резултира со одлична земјена арома, која е единствена.
Обично се користи во подготовка на мешунки, риби и јадења од месо, а често и во јадења со ориз. Ако се користиат парчиња од него , треба прво да се излупат, а со варењето ќе омекнат.
Исушените лимони во блискоисточните кујни се користат како средство за закиселување во подготовка на зимница и туршија, како и во супи, варива и подготовка на лебови. Правот на црниот лимон е сладок и со силен вкус, а неговата арома е тешко дека може да се замени со некоја друга состојка.
Ова растение потекнува од Оман, земја во која е развиена техниката на сушење на малиот црн лимон. Важна состојка е во кујанта на Иран, Ирак и државите на Персискиот залив. Тоа е еден од основните зачини во скоро сите јадења на Блискиот исток.
Неговото иранско име noomi basra – лимон Басра доаѓа од фактот дека сушените агруми, биле донесени од страна на Султанатот и тоа од Оман, кој претставува единствен ирачки пристанешен град на Басра.
Содржи голем процент на витамини, особено Ц и Д, како и висока содржина на минерали, калциум и калиум. Се користи за подготовка на многу јадења бидејќи има карактеристичен вкус. Секако треба да се нагласи дека црниот лимон е со големина на орев.
Извор: nezavisne.com
