Котациите за житарки на берзата во Чикаго пораснале за два до три проценти. Таму оваа недела започна со значително зголемување на цените.
Цената на пченицата во мајскиот договор се зголемила за 2,2 отсто и изнесува 411,71 американски долари/тон. Во однос на минатата година, котациите се зголемени за 71,4 отсто. Цената на пченката во договорот за испорака во мај пораснала за 2,9 отсто на 320,16 американски долари/тон, што е за 37,8 отсто повеќе минатата година. Сега е достигната највисоката цена од август 2012 година, наведува Фармер.
Цените продолжуваат да растат
Цената на пченицата пред Велигден пораснала над 400 евра и продолжува да расте, како и цените на пченката, јачменот и маслодајната репка. Додека аналитичарите стравуваат дека ќе има недостиг на житарки поради војната во Украина, увозниците купуваат се што се нуди на пазарот, пренесува Агрархеуте.
Меѓународниот монетарен фонд предупреди дека светот влегува во многу опасна ситуација кога е во прашање трговијата со житарки.
Поради велигденските празници во Европа не се тргуваше. На американскиот и на светскиот пазар цените на житарките нагло пораснаа во понеделникот, а трендот продолжи и во вторник. Цените на пченката во САД достигнаа највисоко ниво во последните десет години, поради неповолните временски услови (суша) во САД и Јужна Америка и стагнацијата на извозот од Црното Море.
Според извештајот на американското Министерство за земјоделство (USDA), сеидбата на пченка беше завршена со четири проценти минатата недела, што е под петгодишниот просек од шест проценти.
Соопштено е дека 30 отсто од резервите на зимска пченица во САД се во добра до одлична состојба. Повеќе од две третини од родот беше во областа погодена од суша.
Извозот на украинска пченица е оневозможен
Извозот на житарки од црноморските пристаништа е речиси целосно запрен и тоа дополнително ги зголемува цените. Украина извезуваше пет милиони тони жито месечно, а во складиштата останале 20 милиони тони минатогодишно жито, кои не можеа да се извезат оваа пролет. Проблемот се решава со транспорт реку копно, со железница и транспорт преку пристаништата на Дунав, што не е доволно.
Голем проблем е и задржувањето на вагоните на граничните премини.
Проценки на Монетарниот фонд
ММФ ќе ги намали проценките за глобален раст за 2022 и 2023 година бидејќи војната во Украина ги зголемува цените на храната и енергијата и врши дополнителен притисок врз и онака кревките економии, изјави директорката на ММФ Кристалина Георгиева.
Очекуваниот раст е намален, иако повеќето земји ќе продолжат да одржуваат позитивен тренд, рече Георгиева. Таа најави дека новите прогнози ќе бидат објавени на пролетниот состанок на ММФ и Светска банка.
„Во економска смисла, растот падна, а инфлацијата се зголеми. Во човечка смисла, приходите паднаа, а сиромаштијата се зголеми“, коментира таа.
