Повикот за Мерка 7 од ИПАРД е во тек и според нашите информации има голем интерес. Но апликантите ни пишуваат дека се соочуваат со недостиг од време поради административни активности, односно вадење на документи и дозволи од различни институции. Нивното барање е да се продолжи рокот за аплицирање за да може да ги подготват документите.
Дали постои таква можност, го прашавме првиот човек на Агенцијата за финансиска поддршка на земјоделството и руралниот развој, Никица Бачовски кој ни потврди дека сигурно ќе има продолжување на рокот за што официјално ќе соопштат во текот на утрешниот ден.
За апликантите ова е многу добра вест и мотивација да продолжат со активностите и да ги искористат овие неповратни средства кои им ги овозможи Владата.
