По укажување на Телото за управување со ИПАРД преку одржаните информативни состаноци, за 15 дена се продолжува рокот за аплицирање на јавниот повик за мерката 3 од ИПАРД 2 програмата. Новиот краен рок за аплицирање по оваа мерка сега е 21 септември 2022 година, информираше директорот на Платежната агенција, Никица Бачовски.
Буџетската рамка за мерката мерката за инвестиции во преработка и маркетинг на земјоделски и рибни производи од ИПАРД 2 програмата е 5 милиони евра со можност за зголемување во текот на јавниот повик.
Овие средства се наменети за поддршка на проекти кои предвидуваат инвестиции за преработка и производство на млеко и млечни производи, месо и месни производи, овошје и зеленчук, преработка на житарици, производство на мелнички продукти, растителни производи и масла, маснотии од животни, производство на вино како и проекти кои предвидуваат поставување, односно инсталирање на фотонапонски панели за производство на енергија за сопствени потреби.
Сите заинтересирани апликанти ќе можат да аплицираат со проекти за набавка на машини и опрема за производство и преработка, како и проекти кои предвидуваат поставување, односно инсталирање на фотонапонски панели за производство на енергија од сопствени потреби.
Со искористувањето на европскиот фонд за земјоделство и рурален развој и конкретно мерката 3, сведочиме на изградба и модернизација на многу преработувачки капацитети, винарии, млекари, кланици и останати капацитети, што резултира со конкуретно домашно производство и лансирање на македонски преработки од растително и животинско потекло на домашните и странските пазари.
