Проблемите на компаниите за поголем и поквалитетен локален економски развој беа предмет на дискусија на состанокот што претседателот на Стопанската комора Бранко Азески го имаше со бизнисмените од регионалните комори во Прилеп, Битола и Кичево, во присуство на градоначалникот на градот Дејан Проданоски и претставници на Управниот одбор на СКСМ.
Клучен проблем на кој треба да се работи е промена и интервенција во Законот за Јавни набавки согласно кои на површина ќе треба да излезат повеќе сегменти меѓу кои понуда за квалит а не најниска цена и учество на домашни компании како приоритет пред странските. Претседателот Азески информираше дека за измените во овој закон во интерес на бизнисот, СКСМ е подготвена да го поддржи поедноставувањето на постапките и на процедурите за издавање разни видови дозволи, документи и сл., кои треба да ги обезбедат државните институции за бизнисот заради негово непречено функционирање. Прифаќањето на предлозите на Комората се во насока и на интензивирање на борбата против корупцијата и дигитализацијата на процесите.
На состанокот се разговараше и за Недела неработен ден и Законот за празници се иницираат за кои во следниот период е потребна поширока дебата имајќи во предвид различните ставови мислења и искуства.
Од Регионалната комора Прилеп беа предложени три иницијативи:
– Иницијатива за намалување или привремено укинување на царинските давачки за суровини за кои во одреден период не постои доволно домашно производство. Ограничената достапност на домашна суровина во комбинација со високите увозни давачки, го отежнува навременото обезбедување на потребните количини и ја ограничува можноста на домашните компании да одговорат на барањата на странските купувачи. На долг рок, ваквата состојба може да доведе до губење на постојните извозни пазари, намалување на производството, ограничување на можностите за проширување на деловната активност и намалување на потенцијалот за отворање нови работни места и зголемување на извозот.
– Иницијатива за измена и унапредување на законските решенија во делот на боледувањата, од аспект на влијанието што подолгите отсуства од работа го имаат врз компаниите, организацијата на работниот процес и финансиското работење на работодавачите преку: потреба од прераспределба на работните задачи; ангажирање дополнителен кадар или прекувремена работа; нарушување на континуитетот на производниот процес; зголемување на оперативните трошоци; потешкотии во исполнувањето на роковите кон клиентите; намалување на продуктивноста и ефикасноста на компаниите; дополнителен притисок врз малите и средните претпријатија. Иницијативата не е насочена кон ограничување на правото на работникот на боледување, ниту кон доведување во прашање на медицинската проценка. Напротив, целта е да се воспостави систем во кој оправданото боледување ќе биде целосно заштитено, а евентуалните злоупотреби ќе бидат поефикасно спречувани и контролирани.
– Иницијатива за санација и подобрување на патниот правец Прилеп – Ракле, како прашање поврзано со развојот на регионот и реализацијата на инфраструктурните проекти. Оштетените делови од аспект на деловната заедница има повеќекратно влијание врз транспортот и секојдневното работење на компаниите, особено на оние кои овој патен правец го користат за транспорт на стоки и суровини.
На средбата беше констатирано и дека квалитетна и брза нова патна и железничка инфраструктура и гасоводот се клучните за развој на Пелагониско – преспанскиот стопански регион кој во БДП учествува со 14 проценти. Во Пелагонија и Преспа се 8.600 стопански субјекти, регионот бележи раст од 3,5 проценти и зголемен извоз. Има и 10 нови компании.
Стопанска комора
