Утринските минимални температури забележани во К.Паланка -4, Прилеп и Берово -3, -2 во Скопје, Битола и Штип, но и дополнително на одредени места каде има задржано снег на цветовите во корелација со температурите, воопшто не е добро, особено за кајсијата од раните сорти која има завршено со оплодувањето.
Во регионите каде утринските минимални температури беа под или околу -2 оС штетите се неизбежни, на некои места можеби ќе поминат само со проредување на плодот, но на површините изложени на северна или северо-источна експозиција истите би биле поголеми. Стравувањата на граѓаните кои имаат кајсии во дворовите од штети на тие стебла се многу помали, заради фактот дека сепак микро-климата во дворот се разликува од онаа на отворено и имаат повисоки температури.
Постепеното затоплување на атмосферата во наредните денови очекуваме да ја подобрат состојбата, битен фактор е и промената на струењето на воздухот, но состојбите и во овој дел се непредвидливи и менливи исто како и состојбата со КОРОНАВИРУСОТ. Седете дома и следете ги информациите кои ги пласираме.
Фејсбук статус на Ангелко Ангелески – УХМР
Напишете коментар