Пандемијата од корона вирусот предизвика потрес на светскиот пазар за пченица, пишува Jutarnji list, истакнувајќи дека стручњаците мислат дека би можела да се повтори кризата која доведе до Арапската пролет.
Додека светот во ова време на пандемија беше опседнат со кризата за нафта, пратејќи го секојдневниот пад на цената на енергенсите, некако неприметно светот го потресе и кризата на еден друг пазар – оној за житарици. Пченицата станува „жолта нафта“ и поважна од сите фосилни горива и деривати. Имено според податоците на Организациите на ОН за земјоделство, храна и здравство, таа криза како последица на корона вирусот би можела да доведе до глобален недостаток на пченица, а може да предизвика дури и глад и дестабилизација во многу земји и региони.
Некои аналитичари сметаат дека би можела да се повтори 2010 година кога поради сушата и слабата жетва кај некои водечки производители на житарици дојде до недостаток на жито во арапските земји.
Што всушност сега се случува на пазарот со пченица?
Русија како еден од најголемите светски производители и најголем светски извозник на житарици, го стопира извозот до почетокот на јули. Со тоа е предизвикана паника на пазарите кај главните увозници како што се Египет, Индонезија, Алжир, Мароко, Нигерија , а особено Турција кои веќе имааат проблем со залихите но и со купувањето на овој важен прехрамбен производ.
Извор:ba.n1info
