Мерките за поддршка најавени на 22 април, вклучуваат помош во приватното складирање во секторот млеко и месо, привремена дозвола за самоорганизирање на пазарни мерки од страна на субјекти во тешко погодените сектори и флексибилност во спроведување на програмата за поддршка на пазарот.
Европската комисија објави најнов пакет одлични мерки за понатамошна поддршка на земјоделскиот и прехранбениот сектор кој e најмногу погоден од кризата поради корона вирусот.
Покрај овие пазарни мерки , Комисијата им предложи на државите членки да користат средства за рурален развој за компензација на земјоделците и малите земјоделско – прехранбени претпријатија со износи до 5.000 односно 50.000 евра, објавено е на службената страница на Комисијата.
“Постапивме брзо како би ги имале на располагање сите потребни мерки за поддршка на земјоделците и оние на кои тоа им е потребно. Кризата тешко ги погоди некои земјоделци и прехранбените пазари. Сега сум уверен дека усвојувањето на овие мерки ќе овозможи поддршка, ќе испратат прав сигнал на пазарите и наскоро ќе се овозможи одредена стабилност. Овој пакет и претходните мерки на поддршка покажуваат дека Комисијата е подготвена и ќе делува така како што тоа го бара ситуацијата“ , изјави комесарот за земјоделство и рурален развој Јануз Војциечовски.
За кои клучни мерки се работи?
Исклучителните пазарни мерки предложени на 22 април и кои сега во целост се усвоени и објавени вклучуваат помош за приватно склaдирање. Тоа значи дека Комисијата ќе поддржи помош за приватно складирање на млечни проивзоди ( преработено млеко во прав, маслац, сирење) и месни производи (говедско, овчко и месо од коза). Оваа, мерка овозможува привремено повлекување на производите од пазарот најмалку од 2-3 месеци а на максимално растојание од 5 до 6 месеци. Пријавите за учество во програмата се отвораат од 7 мај 2020.
Другата мерка се однесува на адаптирањето на програмата кон пазарната поддршка. Имено,како што е објавено, Комисијата ќе овозможи флексибилност во спроведувањето на програмата за поддршка на пазарот за вино, овошје и зеленчук, маслинки и маслиново масло, пчеларство и програмата на ЕУ (опфаќа млеко, овошје и зеленчук). Оваа флескибилнсот настојува да ја ограничи расположливoто обезбедување во секој сектор и да доведе до повторна рамнотежа на пазарот.
Третата мерка пак се однесува на привремено отстапување од правилата на пазарниот натпревар во ЕУ. Членот 222 од Уредбата за организација на заедничкиот пазар (CMO) овозможува на Комисијата да усвои привремени отстапки од одредени правила на пазарниот натпревар во ЕУ за условите на сериозна пазарна нерамнотежа. Комисијата прифати такви отстапки за секоторот млеко, цвеќе и компир. Овие отстапки овозможуваат на операторите да се самоорганизираат и да спроведуваат пазарни мерки на нивно ниво поради стабилизација на својот сектор и во поглед на функционирањето на внатрешниот пазар во период од најмногу 6 месеци.
