За производство на ракија од тревки најчесто се користи лозова ракија, со јачина од 35-50% алкохол.
За ароматизирање и подготовка на ракија треварка се употребуваат избрани ароматични растенија во количина и состав спрема сопствени рецепти на производителите со основна карактеристика да преовладуваат ароматични компоненти карактеристични за секое подрачје. Извлекувањето на аромата од ароматичните растенија може да биде со дестилација. Добиената арома на пијалокот може да биде синтеза од сите мирисни состојки или пак може да доминира вкусот на едно растение.
За ароматизирање на пијалокот се употребуваат одбрани ароматични растенија, цели или некои делови од нив: корен, лист, цвет, плод, кора и стебло. Тревките обично се додаваат во сува а поретко во свежа состојба. За ароматичните растенија е важно да се набрани во вистинско време, правилно да се сушени и чувани така да не ги изгубат своите ароматични состојки. Многу е важно кај кај производството на ароматизирани ракии исушените тревки да не се постари од неколку месеци. Тревките стари две или повеќе години не одговараат за да се додаваат во ракијата.
Од поголемиот број „треви“ најчесто се користат следниве: Salvia officinalis- жалфија (гранчиња), Mentha piperita-мента (гранчиња), Thymus vulgaris-мајчина душичка (гранчиња), Galluna vulgaris- вресок (гранчиња), Artemisia absianthium- горски пелин (листови), Juniperus communis-смрека (зрели бобинки).
Ракијата треварка може да се произведе на два начина:
1. Сите горе споменати тревки можат во потребната количина да се стават во ракијата и да се остави да отстои, после тоа мора да се филтрира, најчесто низ газа.
2. Споменатите тревки ставете ги во помала количина на ракија и нека отстојат дваесетина дена . Добиената мешавина додадете ја во остатокот од ракијата.
Кога ќе ја ставете ракијата треварка во шишиња, вметнете во шишето гранче од една тревка, зашто делува многу декоративно а таквото шише може да се искористи и како подарок.
