(ВИДЕО) Се шират шумските пожари во Грција

Грција веќе неколку дена се бори со шумските пожари. Издадена е наредба за евакуација на најмалку шест приморски места, бидејќи пожарите полека се доближуваат до викендиците во околината на Атина. Ветрот кој дува со 70 км на час им помага на пламените јазици лесно да поминат низ грмушките од ридовите и боровите шуми, кои веќе се исушени од екстремната топлина.

Жителите на четири грчки села превентивно се евакуирани поради пожарот во областа Дервенохорија на околу 60 километри северозападно од Атина.

#Wildfires burn in southeast Attica tonight, near Athens. #Greece #φωτιά pic.twitter.com/W8DKO55PIv
— Savvas Karmaniolas (@savvaskarma) July 17, 2023

Портпаролот на противпожарната служба на Грција Василис Ватракојанис рече дека токму во овој дел е мобилизиран најголемиот број на копнени и воздушни противпожарни средства, бидејќи пожарот е голем, се движи кон населени места и затоа беше испратена порака преку 112 за евакуација, а паралелно во прекин е сообраќајот на околните улици.

Објасни дека интервенираат 250 пожарникари со осум пешадиски тима и 75 возила, како и 11 авиони и девет хеликоптери од кои еден е за координација.

Во однос на другите пожари Ватракојанис посочи дека оној во источниот дел на областа Атика е под контрола, додека пак во Лутраки и Коринт на Пелопонез постојат многу активни жаришта и разгорувања.

ATENCIÓN 🔥
Fuerte #incendioforestal avivado por ráfagas de viento cerca de #Atenas #Grecia 🇬🇷
Reportan se han emitido ordenes de evacuación en varias zonas costeras.#Athènes #Grèce #Greece #wildfire #Athens
Vía @FranceNews24 pic.twitter.com/TC0zPzQVhp
— Geól. Sergio Almazán (@chematierra) July 18, 2023

Пожарот во Дервенохорја избувна вчера попладне и поради ветерот се шири со голема брзина и се доближува до населби и индустриска зона во западниот дел на областа Атика, поширокиот регион на Атина.

По барање на Грција, ЕУ преку механизмот за цивилна заштита уште денеска ќе испрати два канадери од Франција и два канадери од Италија за да помогнат во гаснењето на пожарите.