Кина е најголемиот купувач на житарки и добиточна храна во рамките на Црноморската иницијатива за жито. Како што е објавено, до 20 јуни годинава биле испорачани 32,1 милиони тони храна, добиточна храна и маслодајни растенија, од кои 7,7 милиони тони или 24 отсто отишле во Кина. Тоа вклучува 5,6 милиони тони пченка, 1,8 милиони тони сончогледова сачма, 370.000 тони сончогледово масло и 340.000 тони јачмен.
Второто место по обем на испораки го зазеде Шпанија – 5,9 милиони тони, или 18%, а следи Турција со 3,2 милиони тони, или 10%.
Русија уште еднаш објави дека планира да го раскине Договорот за жито по истекот на рокот на 18 јули годинава. Во исто време, како одговор на ова, Европската Унија, наводно, го разгледува предлогот Руската земјоделска банка да основа подружница за повторно поврзување со глобалната финансиска мрежа (SWIFT).
Со оглед на тоа што банката е под санкции, се вели дека овој потег има за цел да го заштити Црноморскиот договор за жито кој и овозможува на Украина да извезува храна на глобалните пазари, пренесе Financial Times.
