Министерот за земјоделство, шумарство и водостопанство, Љупчо Николовски информираше дека на 2 мај почнува најголемата информативна кампања за новиот ИПАРД 3.
„Ние сме единствена земја којашто ќе го почне прва ИПАРД 3, новиот петгодишен период, односно први ќе ставиме на располагање 120 милиони евра на земјоделците, пред Србија, Црна Гора, пред Босна, пред Косово и целиот регион“, рече Николовски.
Тој посочи дека како земја единствени сме спремни да започнеме со користење на овие средства од ИПАРД 3 програмата и затоа наредните два месеци ќе бидат на терен за да објаснат за најголемиот повик за модернизација во земјоделството и како да се искористат овие европски средства.
